शब्दार्थ -
(अद्रिवः) आनंद रूप मेघांचे स्वामी आणि आनंद रसाची वृष्टी करणाऱ्या हे इंद्र परमेश्वरा, (त्वा) तुला आम्ही (महेच) (शुल्काय) कितीही मोठ्या मूल्यावर (न) (परादीयसे) वेगळे वा दूर करू शकत नाही. (तुझ्या सामीप्यतेसाठी आम्ही कितीही मोठा त्याग करावयास तत्पर आहोत) हे (वज्रिवः) विज्ञानमयी नीती- नियमाप्रमाणे चालणाऱ्या परमेश्वरा, (न) (सहस्राय) हजार मुद्रा घेून अथवा (न) (अयुताय) दहा हजार मुद्रा घेून (म्हणजे काहीही झाले तरीही) तुला आम्ही सोडू शकत नाही. हे (शतामघ) अनंत संपदावान परमेश्वरा, (न) (शताय) दहा हजारांपेक्षा शतगुण म्हणजे दश लक्ष मुद्राएवढे मूल्य देऊनदेखील कोणी तुला आमच्यापासून दूर करीत असेल, तर ते आम्हाला नको. ।। ९।।

भावार्थ - या मंत्रात ‘अद्रिवः’ ‘वज्रिवः’ ‘शतामघ’ ही तीनही विशेषणे एकाच परमेश्वराची पण साभिप्राय अशी वापरली आहेत. म्हणून येथे ‘परिकर’ अलंकार आहे. जो परमेश्वर मेघवत् सुखवर्षक निश्चित नियमांप्रमाणे चालणारा आणि अनंत धनवान आहे. तो कितीही मोठी किंमत मिळाली, तरीही सोडण्यासारखा आहे काय ? ।। ९।।

इस भाष्य को एडिट करें