शब्दार्थ -
(वाजिनः) प्रबळ, (शुक्रासः) पवित्र आणि (आशवः) वेगवान (सोमासः) प्रभु- भक्तीचे अनेक रस (विविध व अलौकिक रस), (गव्या) अन्तः प्रकाशाच्या इच्छेने (अवश्या) प्राणांना ऊर्ध्व दिशेला नेण्याच्या इच्छिने आणि (वीरया) वीरत्व प्राप्तीच्या इच्छेने मी (प्र असृक्षत्) माझ्या हृदयात प्रवाहित केले आहेत. (आह, त्याचा केवढा आनंद मी सध्या अनुभवत आहे.)।। ६।।

भावार्थ - अंतःकरणात भगवद् भक्तीचा रस प्रवाहित केल्याने अंतःकरण प्रकाशित होते. त्यात अंतःस्फूर्ती, प्राणांचे ऊर्ध्वारोहण होते आणि दिव्य कर्मांविषयी उत्साह उत्पन्न होतो.।। ६।।

इस भाष्य को एडिट करें