English
ऋग्वेद - मण्डल 8/ सूक्त 71/ मन्त्र 1
ऋषिः - सुदीतिपुरुमीळहौ तयोर्वान्यतरः
देवता - अग्निः
छन्दः - विराड्गायत्री
स्वरः - षड्जः
त्वं नो॑ अग्ने॒ महो॑भिः पा॒हि विश्व॑स्या॒ अरा॑तेः । उ॒त द्वि॒षो मर्त्य॑स्य ॥
स्वर सहित पद पाठत्वम् । नः॒ । अ॒ग्ने॒ । महः॑ऽभिः । पा॒हि । विश्व॑स्याः । अरा॑तेः । उ॒त । द्वि॒षः । मर्त्य॑स्य ॥
स्वर रहित मन्त्र
त्वं नो अग्ने महोभिः पाहि विश्वस्या अरातेः । उत द्विषो मर्त्यस्य ॥
स्वर रहित पद पाठत्वम् । नः । अग्ने । महःऽभिः । पाहि । विश्वस्याः । अरातेः । उत । द्विषः । मर्त्यस्य ॥ ८.७१.१
ऋग्वेद - मण्डल » 8; सूक्त » 71; मन्त्र » 1
अष्टक » 6; अध्याय » 5; वर्ग » 11; मन्त्र » 1
अष्टक » 6; अध्याय » 5; वर्ग » 11; मन्त्र » 1
विषयः - अस्मिन् सूक्तेऽग्निनाम्ना परमात्मा स्तूयते ।
पदार्थः -
हे अग्ने=सर्वाधार ! सर्वशक्ते ! त्वं+महोभिः=महतीभिः शक्तिभिः । नोऽस्मान् । विश्वस्याः=सर्वस्याः । अरातेः=शत्रुताया दीनताया मानसिकमलीनताप्रभृतिभ्यः । पाहि । उत+मर्त्यस्य । द्विषः=द्वेषाद् इर्ष्याया द्रोहादिभ्यश्चास्मान् पाहि ॥१ ॥