English
ऋग्वेद - मण्डल 8/ सूक्त 6/ मन्त्र 47
ऋषिः - वत्सः काण्वः
देवता - तिरिन्दिरस्य पारशव्यस्य दानस्तुतिः
छन्दः - पादनिचृद्गायत्री
स्वरः - षड्जः
त्रीणि॑ श॒तान्यर्व॑तां स॒हस्रा॒ दश॒ गोना॑म् । द॒दुष्प॒ज्राय॒ साम्ने॑ ॥
स्वर सहित पद पाठत्रीणि॑ । श॒तानि॑ । अर्व॑ताम् । स॒हस्रा॑ । दश॑ । गोना॑म् । द॒दुः । प॒ज्राय॑ । साम्ने॑ ॥
स्वर रहित मन्त्र
त्रीणि शतान्यर्वतां सहस्रा दश गोनाम् । ददुष्पज्राय साम्ने ॥
स्वर रहित पद पाठत्रीणि । शतानि । अर्वताम् । सहस्रा । दश । गोनाम् । ददुः । पज्राय । साम्ने ॥ ८.६.४७
ऋग्वेद - मण्डल » 8; सूक्त » 6; मन्त्र » 47
अष्टक » 5; अध्याय » 8; वर्ग » 17; मन्त्र » 7
अष्टक » 5; अध्याय » 8; वर्ग » 17; मन्त्र » 7
विषयः - ईशदानस्तुतिः ।
पदार्थः -
मह्यं परमात्मा बहूनि वस्तूनि ददाति । स यो वा आत्मानमेवोपास्ते, आत्मगुणान् विज्ञातुं यतते सोऽपि महाधनाढ्यो भवतीत्यनया शिक्षते । यथा−स परमदेवः । पज्राय=परमोद्योगिने । साम्ने=सामविदे= परमात्मस्तावकाय । मह्यम् । अर्वतामश्वानाम्= कर्मज्ञानान्तःकरणरूपाणां त्रिविधानामिन्द्रियाणां वा । त्रीणि शतानि । अपि च । गोनाम्=गवां ज्ञानकर्मेन्द्रियाणां द्विविधानां वा । दश सहस्रा=सहस्राणि । ददुर्ददौ=दत्तवान् । अतोऽहं तं स्तौमि ॥४७ ॥